یہ لفظ 50 سال تک آکسفرڈ ڈکشنری میں شامل نہیں ہو پایا

مطلب اور حقائق جاننے ہوں یا ہجے دیکھنے ہوں، ہم ڈکشنری یعنی لغت کا رُخ کرتے ہیں۔ لیکن یہ کتاب غلطیوں کی تاریخ بھی رکھتی ہے۔اس کے علاوہ لغت استعمال کرنے والوں کو ایک اور چیز خاطر میں رکھنی چاہیے، الفاظ کی عدم موجودگی۔

آکسفرڈ انگلش ڈکشنری کے پہلے ایڈیشن کو ہی لے لیں۔ لغت ترتیب دینا ایک ہنگامہ خیز اور غیر منظم عمل تھا اور اس کے عملے کو تمام 4 لاکھ 14 ہزار 825 الفاظ جمع کرنے اور ان کے مطالب بیان کرنے میں تقریباً 70 سال لگ گئے۔ نتیجتاً کئی اصطلاحات اِدھر اُدھر ہوگئیں۔ لیکن حیران کن طور پر صرف ایک لفظ تھا جو مکمل طور پر غائب ہو گیا، bondmaid جس کا مطلب ہے باندی۔

اگر آپ نے یہ لفظ کبھی نہیں سنا تو غلطی آپ کی نہیں، یہ لفظ اب عام استعمال ہوتا بھی نہیں۔ یہ اصطلاح 16 ویں صدی میں مقبول تھیں اور بائبل کے 1526ء میں ہونے والے ترجمے میں شامل ہے۔ لیکن جب آکسفرڈ انگلش ڈکشنری نے 1888ء میں اپنا پہلا ایڈیشن شائع کیا تھا تو یہ لفظ غلطی سے  شامل نہیں ہو سکا تھا۔

اس غلطی کو درست کرنے میں پانچ دہائیاں لگیں۔ یہ لفظ پہلی بار 1933ء میں شائع ہونے والے آکسفرڈ ڈکشنری کے دوسرے ایڈیشن میں پیش کیا گیا۔

آکسفرڈ 1888ء سے اب تک مسلسل لغات شائع کر رہا ہے اور اس واحد واقع کے بعد علاوہ کبھی ایسا نہیں ہوا کہ کوئی لفظ شامل ہونا رہ گیا ہو۔

فیس بک پر تبصرے



تبصرہ کریں